Romans en lice pour le Prix Rachid Aliche 2016:

1- Abrid n twaɣit, Mazri, Éditions Tamagit;
2- Tislit n uɣanim, Rachid Boukheroub, Éditions, El Amel;
3- Timlilit deg 1962, Aumer Ulamara, Éditions Achab.
4- Tayri d teɣzent, Malek menniche, Editions Assirem.

Anwa-t Aumer U Lamara ?

Aumer U Lamara ilul deg taddart Budafal deg tmurt n Yiqbayliyen. Yedder deg taddart alama d 16 n yiseggasen uqbel ad iruḥ γer Lezzayer tamanaγt deg 1968, anda yella d anelmad deg Tesnawit "Lycée technique d'Alger/Ruisseau" deg 1970. Daγen yella d anelmad deg tesdawit Faculté des sciences d'Alger. Din yeḍfer timsirin n Tmaziγt γer Dda Lmulud At Maamer alama d asmi i yettwakes uselmed-a deg cuṭember 1974 sγur taneγleft usegmi i yellan imira s ddaw ufus n uneγlaf Taleb Ahmed Ibrahimi.

Deg 1975 yekcem γer tesdawit n Besançon di Fransa ilmend n Tizrawin n Tfizikt «Les études de physiques». Din imug agemir n Duktura allus wis 3 deg 1981. Dγa deg useggas-a, yuγal-d γer tmurt anda yesγer Tafizikt deg tesdawit n Tizi Wezzu seg 1981 γer 1985. Yesγer ula di Fransa alama d 1988 anda yerna tuγuri-ines alama yekfa Duktura n Uwanek n Tussna "ès Sciences" deg 1989. Asmi yella deg Tizi Wezzu, yesγer Tamaziγt, γas ulama mačči s wudem alugen, acku yella lḥers n udabu. Yela d aεeggal n usqamu n tmirawt n tesγunt taḥerraqt TAFSUT.

Aumer U Lamara yella daγen d aεeggal imsebded n tesqamut tazzayrit n useḥbiber γef yizerfan n wemdan deg 1985. Seg 1988 yeḍfer abrid n tneflit d unadi amguri, anda yexdem deg waṭas n tiṛmisin (tikkubaniyin) tigtaɣlanin, u yella d ameskar n tuget n Brebiyat (Brevets) n usnulfu amguran deg tussna n uṛubuten d Uṭumaṭizm. Tura atan d aεebbaj-amciweṛ deg usefrek n tneflit d unadi amguri. Daγen seg 1985 yuγal yettaru s Tmaziγt anda yebda yettaru ccfawat n tmenγest mgal tamharsa tafransist n baba-s Mesεud Ulamara. Ar tura ya kan yura 7 n yidlisen s Tmaziγt : 4 ungalen, tameddurt, 2 n warramen. Deg 1968 yeεreḍ tasuqilt n tceqquft umezgun ''Jugurtha'‘ deg MJC di Belcourt , Lezzayer tamanaγt. Dayen ur yesaweḍ ara.

Wigi d idlisen i yura Aumer U Lamara :

1. Iberdan n Tissas, tameddurt n Messâud At Ammar (Messaoud Oulamara) di tegrawla n Lezzayer (1934-1965), si PPA armi d FFS, tiẓrigin Le Pas Sage, Lezzayer 2007.
2. Agellid n times, ungal, internet 2008 ; iffeγ-d s yisem «Akkin i Wedrar», tiẓrigin Achab, Tizi Wezzu, 2011.
3. Tullianum – Taggara n Yugerten, ungal, internet/HCA (Aseqqamu Unnig n Timmuzγa), Lezzayer, 2009.
4. Omaha Beach - – Ass-A d Wussan, ungal, internet / tiẓrigin n FCNAFA – Asaru Amazi$, Lezzayer, 2010.
5. Muḥend Abdelkrim – Di Dewla n Ripublik, amezruy n Ṭṭrad n Rrif akked Tagduda n Rrif, 1920-1926, internet/Editions L’Harmattan, Paris 2011.
6. Les Sentiers de L’Honneur, traduction en français de «Iberdan n tissas», Editions Koukou, Alger , 2013 ; Editions L’Harmattan, Paris 2014.
7. Timlilit di 1962, ungal, tiẓrigin Achab, Tizi Wezzu, 2015.
8. Taârabt-tinneslemt n usekkak, tiẓrigin Achab, Tizi Wezzu, publication prévue au premier semestre 2016

Fondation Tiregwa